Kencur Mbeningake Swara

Bu Waljinah lan para waranggana umume tansah ngemut kencur kanggo njaga amrih swarane tetep bening lan kepenak ora serak. Sawijining bukti menawa kencur nduweni kasiyat njaga tenggorokan saka sawernaning gangguan lan penyakit.

Kencur wis dianggo jamu para leluhur kita turun tumurun. Sakliyane kanggo jamu kena kanggo bobok sendhi sing abuh, pegel linu, njarem. Biasane dicampur karo beras sing wis dibubuk alus. Kena kanggo bumbu masak, senajan ambune ora enak lan rasane rada pedhes getar. Bumbu pecel, urap (gudhangan), ora bakal sedhep tanpa kencur.

Miturut J.J. Afriastini, ahli taneman obat sing nyambutgawe ing “Herbarium Bogoriense”, tanduran kencur asale saka India, banjur sumebar menyang Asia Tenggara, Cina, lan Australia. Wong Jawa ngarani kencur, yen wong Aceh ngarani ceuko, wong Minang ngarani cakne, wong Sunda ngarani cikur, wong Bali ngarani cekuh. Merga godhonge apik kencur bisa ditandur ing pot ceper kanggo pasren.

Geneya kencur nduweni kasiyat obat sing becik? Miturut J.J.Afriastini, merga kencur ngandhut minyak atsiri sing akeh, sineol, asam metakanil, pentadekaan, asam sinamik, bromeol, kamphene, sineol, paranenmarin, anisik, alkaloid, gom, mineral, lan pathi. Zat-zat kasebut kasiyate kanggo ngangetake awak, nyingsetake awak (pelangsing), ngilangi rasa lara (nyeri), nglancarake wetune angin saka awak, lan ngencerake riak. Jamu beras kencur bisa nguwatake awak, ora gampang masuk angin, ngundhakake daya tahan supaya ora gampang kesel.

Jeneng Latin-e Kaempferia galanga L. Kasiyate kanggo tamba lara watuk, radhang lambung, lara weteng (mules), panas jero, keracunan panganan, masuk angin, lan mbeningake swara. Kanggo mbeningake swara lan njaga tenggorokan supaya resik carane mung dimamah lan diulu banyune sethithik-sethithik, utawa diemut kaya yen ngemut permen. Kajaba mbeningake swara, nglegakake tenggorokan, kencur kena kanggo tamba lara apa wae?

Watuk

Kencur 2 jempol, brambang 5, kapulaga 3 iji, klengkeng 6 dibuwang isi lan kulite, godhong jinten 7 lembar, jahe sethithik, kabeh bahan mau sawise dionceki lan dikumbah resik banjur digodhog karo banyu 3 gelas nganti kari separone banjur disaring. Yen arep ngombe mundhut 1/2 gelas ditambah madu 2 sendhok dhahar. Sedina ngombe kaping telu saben ngombe setengah gelas.

Radhang lambung

Kencur sajempol dikumbah resik banjur dimamah karo uyah sethithik, duduhe dieleg sethithik-sethithik karo diombeni banyu anget sagelas. Pangombene banyu uga mbaka sethithik. Katindakake sedina kaping pindho.

Weteng mules

Kencur sajempol dikumbah resik terus diparut, ditambah banyu mateng ½ cangkir lan uyah sethithik. Diperes, disaring banjur diombe, sedina kaping telu.

Nglangsingake awak

Kencur sajempol dikumbah resik terus diparut. Ditambah glepung beras sing anyar (mentas ndheplok) sasendhok dhahar, gula aren sacukupe. Kabeh bahan mau dicom banyu umub 1/2 gelas, ditutup dileremake nganti manget-manget. Diudhak banjur disaring, diunjuk. Sedina kaping telu, esuk awan lan sore. Nalika ngunjuk jamu iki ora kena dhahar panganan sing ngandhut lemak (gajih), santen, gorengan, panganan sing legi-legi, aja ngemil.

Ature: Yunani

JB 46/LX, 16-22 Juli 2006

3 Balasan ke Kencur Mbeningake Swara

  1. Anggraeni mengatakan:

    aku iya tau njajal mangan kencur amrihe luwih bening swaraku. ananging anggonku mangan iya mung langsung tak mamah banjur cepet-cepet diulu amarga rasane ora enak. nanging mung pisan pindo olehku mangan kencur amarga ora seneng karo rasane sing lehku ngarani pedhes-pedes semriwing piye…..ngono.hehe…
    kuwi wae aku ora ngrasakake bedane suwaraku. apa karang kleru anggonku mangan?wong langsung tak ulu, ora diemut?wis luweh.nganti seprene aku durung tau mangan maneh.

  2. Haryo Legowo mengatakan:

    Wis watara rong taun iki aku kerep mangan kencur entahan. Maksude sawise dukir-dukir ana tegal mburi omah, kencur sing isih seger mau banjur tak kumbah, terus tak emplok siji mbaka siji karo budhal menyang kantor. Ana ing kantor aku ya tetap ngemplok kencur karo nyiar ing radio. Jarene para pamidhanget , swaraku empuk lan bening kaya ager-ager, he. he, he. Kencur pancen gawe tenggorokan longgar lan ngilangne masuk angin. Mulane aku kuwat ana njero studio sing adem amarga AC. Yen labuhan utawa ing mangsa rendeng aku arep nandur kencur sing luwih akeh. Syuukur-syukur mengko asile bisa di ekspor. Yen ora ngono ya pokoke bisa kanggo jamu.

  3. TOGEL AKURAT mengatakan:

    Keterpurukan hidup membuat saya melakoni pesugihan di PAK MANDALA,sebelumnya saya Mendapatkan no hp aki (082348985714) dari teman yang sudah sukses kaya, saran PAK MANDALA pesugihan yang cocok untuk saya adalah Bank GHAIB, di waktu itu tanpa banyak perhitungan saya ikuti petunjuk dari aki ,saya sudah sangat bingung dengan hutang yang beratus-ratus juta. Untung saja ada PAK MANDALA yang membantu melalui syareatnya. Saya serahkan umur 1 hari saya untuk ritual ini . pada malam pelaksanaan ritual saya merasa sesuatu yang sangat asing,. Karna merasa tak kuat kemudian saya coba melelapkan diri, entah sadar atau tidak saya melihat sosok makhluk tinggi besar yang memberikan saya kain hitam yang berisi uang 50-100rbuan yang sangat banyak setelah benar-benar sadar saya memeriksa kotak hitam yang telah saya persiapkan sebelumnya atas perintah PAK MANDALA ,dan dengan sangat terkejut saya melihat kotak tersebut penuh dengan uang 50-100ribuan sampai ratusan lembAr banyaknya , tanpa ada rekayasa saya membuat kesaksian ini karna semua ini benar-benar saya alami. SUMPAH DEMI ALLAH DAN ATS NAMA KELUARGA Saya ucapkan ribuan terimkasih kepada PAK MANDALA,saat ini hutang saya telah lunas dan saya tlah memiliki toko elektronik yang lumayan besar . sekali lagi saya ucapkan terimakasih yang sangat besar kepada PAK MANDALA dan keluarga.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: